Мектебімізде Ұстаздар күніне орай «Шәкірт арманының қанаты – ұстаз» атты мерекелік концерт өткізілді. Шараның басты мақсаты – ұстаздарға деген шексіз алғыс пен құрметті білдіру, олардың еңбегін дәріптеу болды.
Мерекелік іс-шара барысында оқушылар ұстаздарына арналған жүрекжарды өлеңдер оқып, әсерлі әндер шырқады, би қойылымдарын ұсынды. Сондай-ақ мектеп әкімшілігі мен оқушылар ұстаздарға ыстық лебіздерін білдіріп, шығармашылық нөмірлер арқылы ризашылық сезімін жеткізді.
